కార్యకర్తలను గెలిపించే బాధ్యత మాది: ఉమ్మడి కరీంనగర్ జిల్లా కాంగ్రెస్ పార్టీ ఇంచార్జి అద్దంకి దయాకర్
వచ్చే ఎన్నికల్లో రాజన్న సిరిసిల్ల జిల్లాలో కాంగ్రెస్ పార్టీ జెండా ఎగరాలి
కష్టపడ్డ ప్రతి కార్యకర్తకు గుర్తింపు
త్వరలోనే నామినేటెడ్ పదవుల భర్తీ
బీజేపి, బిఆర్ఎస్ రెండూ కలిసి ఓట్ చోరీ చేశాయి
రాజన్న సిరిసిల్ల జిల్లా కాంగ్రెస్ పార్టీ సమావేశం
పాల్గొన్న రాష్ట్ర ప్రభుత్వ విప్ ఆది శ్రీనివాస్, ఉమ్మడి కరీంనగర్ జిల్లా కాంగ్రెస్ పార్టీ ఇంచార్జి అద్దంకి దయాకర్, సిరిసిల్ల నియోజకవర్గ ఇంచార్జి కేకే మహేందర్ రెడ్డి
రానున్న ఎన్నికల్లో కార్యకర్తలను సర్పంచులుగా ఎంపీటీసీలుగా జడ్పిటిసిలుగా గెలిపించే బాధ్యత తమదేనని రాష్ట్ర ప్రభుత్వ విప్ ఆది శ్రీనివాస్ అన్నారు. రాజన్న సిరిసిల్ల జిల్లా కేంద్రంలోని మల్లికార్జున ఫంక్షన్ హాల్ లో రాజన్న సిరిసిల్ల జిల్లా కాంగ్రెస్ పార్టీ సమావేశం నిర్వహించారు. సమావేశంలో ఉమ్మడి కరీంనగర్ జిల్లా కాంగ్రెస్ పార్టీ ఇంచార్జ్ అద్దంకి దయాకర్ రాష్ట్ర ప్రభుత్వ విప్ ఆది శ్రీనివాస్, సిరిసిల్ల కాంగ్రెస్ పార్టీ ఇంచార్జ్ కేకే మహేందర్ రెడ్డి పాల్గొన్నారు. ఓట్ చోరీ పై రాహుల్ గాంధీ ప్రసంగాన్ని వీక్షించారు.
రుద్రవరం సింగిల్ విండో చైర్మన్ రేగులపాటి కృష్ణదేవరావు కాంగ్రెస్ పార్టీలో చేరగా వారికి ప్రభుత్వ విప్ ఆది శ్రీనివాస్, అద్దంకి దయాకర్ కండువా కప్పి కాంగ్రెస్ పార్టీలోకి ఆహ్వానించారు.
ప్రభుత్వ విప్ మాట్లాడుతూ.. ప్రజా ప్రభుత్వంలో ముఖ్యమంత్రి రేవంత్ రెడ్డి నాయకత్వంలో ప్రజా సంక్షేమమే ధ్యేయంగా పనిచేస్తున్నమని తెలిపారు. రానున్న ఎన్నికల్లో కాంగ్రెస్ పార్టీ అభ్యర్థుల విజయానికి కృషి చేస్తామని పేర్కొన్నారు.
యూరియా పై కేటీఆర్ రాష్ట్ర ప్రభుత్వానికి కావాలనే బతనం చేస్తున్నారని 10 సంవత్సరాలు మంత్రిగా పనిచేసిన కేటీఆర్ కనీస సోయి లేకుండా మాట్లాడుతున్నారని అన్నారు. యూరియా సరఫరా కేంద్రం పరిధిలోకి వస్తుందని కానీ కేటీఆర్ బిజెపి పై ఎలాంటి ఆరోపణలు చేయకుండా కేవలం కాంగ్రెస్ పార్టీ ప్రభుత్వాన్ని బధనం చేస్తున్నారని నిన్న మాట్లాడుతూ ఉపరాష్ట్రపతి ఎన్నికల్లో బిజెపికే సపోర్ట్ చేస్తా అన్న చెందాన మాట్లాడారని తెలిపారు.
అద్దంకి దయాకర్ మాట్లాడుతూ.. రాజన్న సిరిసిల్ల జిల్లా రాజకీయ చైతన్యానికి ప్రతీక అని అన్నారు. పిసిసి పదవుల కోసం తీసుకున్న అప్లికేషన్లలో రాష్ట్రవ్యాప్తంగా సిరిసిల్ల జిల్లా పరిధిలో సుమారు 1700 అప్లికేషన్లు వచ్చాయని తెలిపారు. రానున్న రోజుల్లో కష్టపడ్డ ప్రతి కార్యకర్తను కళ్ళలో పెట్టుకొని చూసుకుంటామని రాబోయే ప్రతి ఎన్నికల్లో వారికి గెలుపులో మేము భాగస్వామ్యం అయితామని అన్నారు.
మొన్నటి ఎన్నికల్లో కాంగ్రెస్ పార్టీ కార్యకర్తల శ్రమ ఫలితంగానే కాంగ్రెస్ పార్టీ అధికారంలోకి వచ్చిందని పేర్కొన్నారు. రాబోయే రోజుల్లో పార్టీ పదవుల్లో మహిళలకు కూడా పెద్ద పీట వేస్తామని అన్నారు. కొత్త, పాత అని తేడా లేకుండా అందరికీ అవకాశాలు వస్తాయని అన్నారు.
బిజెపి టిఆర్ఎస్ రెండూ కలిసి ఓట్ చోరీ చేశాయి
బిజెపి బిఆర్ఎస్ రెండు పార్టీలు కలిసి రాష్ట్రంలో చోరీ చేశాయని అన్నారు. దానికి నిదర్శనమే 2018 ఎన్నికల్లో మేము ఓడిపోవడానికి కారణమని ప్రస్తుతం గత ఎన్నికల సుప్రీంకోర్టులో కేసు ఇంకా నడుస్తుందని అన్నారు. షెడ్యూల్ ప్రకారం జరగాల్సిన ఎన్నికలను మోడీ అనుమతితో కేసిఆర్ ఒక సంవత్సరం ముందుగానే జరిపి వోట్ చోరీని టెస్టు చేశారని అన్నారు.
బిజెపి ప్రభుత్వంలో ప్రతిపక్షాలు ఎక్కడ బలంగా ఉన్నాయో అక్కడ ఓట్ల చోరీ చేస్తూ తమకు అనుకూలంగా మలుచుకుంటున్నాయని అన్నారు. మొన్నటి ఎన్నికల్లో చావు తప్పి లొట్ట పోయినట్లుగా సీట్లతో ఇతరుల సపోర్ట్ తో కేంద్ర ప్రభుత్వం ఏర్పాటు అయ్యిందని, కేంద్రంలో చంద్రబాబు నితీష్ కుమార్ తోక జాడిస్తే తమ పరిస్థితి ఏమిటో ఆలోచించుకోవాలని అన్నారు.. కేటీఆర్ కోట్ల చోరీపై మాట్లాడకుండా యూరియా కొరతపై అసత్యపు ఆరోపణలు చేస్తున్నారని మండిపడ్డారు.
తెలంగాణ రాష్ట్రంలో జరిగిన ఎన్నికల్లో 8 ఎమ్మెల్యే సీట్లు గెలిచిన బిజెపి ఎంపీ ఎన్నికల్లో 8 సీట్లు గెలిచిందని 36 ఎమ్మెల్యే సీట్లు గెలిచిన టిఆర్ఎస్ పార్టీ 0 సీట్లకే ఎలా పరిమితమైందని ప్రశ్నించారు.
పది సంవత్సరాలు టిఆర్ఎస్ పార్టీ అధికారంలో ఉండి రాష్ట్రాన్ని విధ్వంసం చేశారని కెసిఆర్ ముఖ్యమంత్రిగా ఉండి కేసీఆర్ హరీష్ రావు కవిత ముఖ్యమంత్రి పీఠం కోసం తమలో తమ కొట్టుకుంటున్నారని నేనేమి తక్కువ అన్నట్లు నాలుగో సింహం సంతోష్ రావు కూడా పోటీ పడుతున్నారని అన్నారు.
తెలంగాణ పదాన్ని పార్టీ నుంచి తొలగించిన నాడే తెలంగాణ రాష్ట్ర ప్రజలతో పేగు బంధం తెగిపోయిందని రాష్ట్రంలో ఏం చేయలేని కెసిఆర్ బిఆర్ఎస్ పేరుతో దేశాన్ని దోచుకోవాలని చూశారని అన్నారు.
రానున్న 10 సంవత్సరాలే కాకుండా మరో 20 సంవత్సరాలు కాంగ్రెస్ పార్టీ అధికారంలో ఉంటుందని ముఖ్యమంత్రి రేవంత్ రెడ్డి ఉంటారని పేర్కొన్నారు.. రానున్న ఎన్నికల్లో కాంగ్రెస్ పార్టీ అభ్యర్థుల విజయానికి అందరూ కృషి చేయాలని పిలుపునిచ్చారు.