అయితే నేరారోపణ అభ్యర్థనను న్యాయమూర్తి తప్పనిసరిగా ఆమోదించాల్సి వుంది. గత కొంతకాలంగా కొనసాగుతున్న రహస్యపత్రాల ప్రచురణ కేసు కొలిక్కి రానుంది. అమెరికా సైన్యంలోని లోపాలను వెల్లడించేందుకు ఆయన ఓ జర్నలిస్టులా వ్యవహరించారంటూ అసాంజేకు పత్రికా స్వేచ్ఛ కోరుకునే పలువురు న్యాయవాదులు మద్దతుగా నిలిచిన సంగతి తెలిసిందే.
మరియానా దీవులలో సైపాన్‌లో స్థానిక కాలమానం ప్రకారం బుధవారం ఉదయం విచారణకు హాజరుకానున్నారు. అనంతరం ఆస్ట్రేలియాకు తిరిగి వస్తాడని భావిస్తున్నారు. అమెరికాకు రావడానికి ఆయన నిరాకరించడంతో, అక్కడ విచారణ చేపడుతున్నట్లు సమాచారం. అమెరికా ఆధీనంలో ఉన్న ఆ ప్రాంతం ఆస్ట్రేలియా సమీపంలో ఉంటుంది.
అసాంజే బ్రిటీష్‌ జైలు నుండి విమానంలో యుకెకి వెళతారని వికీలీక్స్‌ ప్రకటించింది. మాకు అండగానిలిచిన, మనకోసం పోరాడిన అసాంజే విడుదల కోసం జరిపిన పోరాటంలో కట్టుబడి ఉన్న వారికి కృతజ్ఞతలు అని అన్నారు. ప్రభుత్వ అవినీతి, మానవ హక్కుల ఉల్లంఘనల సంచలన కథనాలను వికీలీక్స్‌ ప్రచురించింది. వారి చర్యలకు బలమైన జవాబుదారీగా ఉంది. అసాంజే ఈ సూత్రాల కోసం, ప్రజల హక్కులు తెలుసుకునేందుకు తీవ్రంగా యత్నించారని పేర్కొంది.