* చెక్ పోస్ట్ ల వద్ద విధులు నిర్వహించే సిబ్బంది ప్రతీ వాహనాన్ని క్షుణ్ణంగా పరిశీలించాలి..
జిల్ల ఎస్పీ అఖిల్ మహాజన్
Posted by Chief Editor Dayanand Jana
రాజన్న సిరిసిల్ల,10 అక్టోబర్(జనవిజన్ న్యూస్): అసెంబ్లీ ఎన్నికల దృష్ట్యా జిల్లా సరిహద్దులో 05 చెక్ పోస్ట్ లు ఏర్పాటు చేసి మద్యం, డబ్బు ఇతర అక్రమ రవాణా, అసాంఘిక కార్యకలపలు జరగకుండా పకడ్బందీగా చర్యలు తీసుకోవడం జరిగిందని జిల్లా ఎస్పీ అఖిల్ మహాజన్ అన్నారు. మంగళవారం సాయంత్రం గంభీరావుపేట్ పోలీస్ స్టేషన్ పరిధిలోని పెద్దమ్మ స్టేజ్ వద్ద ఏర్పాటు చేసిన చెక్ పోస్ట్ ను తనిఖీ చేసి చెక్ పోస్ట్ లో విధులు నిర్వహిస్తున్న సిబ్బందికి పలు సూచనలు చేశారు.
అసెంబ్లీ ఎన్నికల సందర్భంగా జిల్లాలో ఏర్పాటు చేసిన చెక్ పోస్ట్ ల వివరాలు.
1. తంగాలపల్లి పోలీస్ స్టేషన్ పరిధి - జిల్లెళ్ల చెక్ పోస్ట్.
2. గంభీరావుపేట్ పోలీస్ స్టేషన్ పరిధి - పెద్దమ్మ చెక్ పోస్ట్.
3. ముస్తాబాద్ పోలీస్ స్టేషన్ పరిధి - బదనకల్ చెక్ పోస్ట్.
4. వేములవాడ రూరల్ పోలీస్ స్టేషన్ పరిధి - ఫజుల్ నగర్ చెక్ పోస్ట్.
5. బోయిన్పల్లి పోలీస్ స్టేషన్ పరిధి - నర్సింగాపూర్ చెక్ పోస్ట్.
ఈ సందర్భంగా ఎస్పీ మాట్లాడుతూ...
అసెంబ్లీ ఎన్నికల నేపథ్యంలో ఎలాంటి మద్యం,డబ్బు సరఫరా కాకుండాజిల్లాలో పటిష్ట నిఘా ఏర్పాటు చేయడం జరిగిందని,జిల్లాలో ఏర్పాటు చేసిన 05 చెక్ పోస్ట్ ల వద్ద జిల్లాలోకి వచ్చే ప్రతి వాహనాన్ని క్షుణ్ణంగా తనిఖీ చేసి అక్రమ మద్యం, డబ్బు రవాణా అడ్డుకట్ట వేయాలని చేయాలని అధికారులను, సిబ్బందిని ఆదేశించారు. ఎన్నికల కోడ్‌ అమల్లో ఉన్నందున తప్పనిసరిగా ప్రతి ఒక్కరు ఎన్నికల నిబందనలు పాటించాలని సూచించారు. తనిఖీల్లో సరైన ఆధారాలు లేకుండా 50 వేల కంటే ఎక్కువ అమౌంట్ తీసుకువెళ్లినట్లయితే సీజ్ చేయడం జరుగుతుందిని ఎస్పీ తెలిపారు. అత్యవసర వైద్యం, కళాశాల ఫీజులు, వ్యాపారం, పెళ్లిళ్లు, ఇతర అవసరాలకు డబ్బులను తీసుకెళ్తున్న వారు సరైన పత్రాలతో డబ్బులు తీసుకెళ్లాలని సూచించారు. నగదుకు సంబంధించిన తగిన ఆధారాలు, ధ్రువపత్రాలను వెంటే ఉంచుకోవడం ఉత్తమమని అన్నారు. ఎన్నికల నియమావలిని అందరూ పాటిస్తూ వాహనాల తనిఖీలకు ప్రజలు సహకరించాలని విజ్ఞప్తి చేశారు. ఎస్పీ వెంట ఎల్లారెడ్డిపేట్ సి.ఐ శశిధర్ రెడ్డి, ఎస్.ఐ మహేష్ సిబ్బంది ఉన్నారు.